ພົບປາອໍຟິຊຍັກຍາວເກືອບ 5 ແມັດ ເກີຍຕື້ນຢູ່ຊິລີ! ປຸກກະແສຄວາມເຊື່ອ ‘ປາວັນສິ້ນໂລກ’ ເປັນລາງເຕືອນໄພ

AD

AD

AD

ແຜ່ນດິນໄຫວnnເມື່ອວັນທີ 20 ຕຸລາຜ່ານມາ ມີການພົບປາອໍຟິຊ (Oarfish) ຄວາມຍາວເກືອບ 5 ແມັດ ເກີຍຕື້ນຢູ່ຫາດຊາຍເມືອງເມກິຍໂຍເນສ (Mejillones) ທາງພາກເໜືອຂອງປະເທດຊິລີ.

ເຫດການນີ້ໄດ້ກາຍເປັນປະເດັນທີ່ຖືກວິພາກວິຈານໃນໂລກອອນລາຍ ເນື່ອງຈາກຕາມຕຳນານຂອງຍີ່ປຸ່ນ ປາຊະນິດນີ້ຖືກເອີ້ນວ່າ ‘ປາວັນສິ້ນໂລກ’ ແລະມີຄວາມເຊື່ອວ່າເປັນລາງບອກເຫດເຕືອນໄພພິບັດ. ໃນປີນີ້ ຍັງມີລາຍງານການພົບປາອໍຟິຊໃນອິນໂດເນເຊຍ ແລະເມັກຊິໂກ ກ່ອນຈະເກີດແຜ່ນດິນໄຫວ ຫຼືພູໄຟລະເບີດຕາມມາໃນເວລາບໍ່ດົນ.

ແນວໃດກໍຕາມ ໃນທາງວິທະຍາສາດ ຍັງບໍ່ມີຫຼັກຖານທີ່ຢືນຢັນຄວາມເຊື່ອດັ່ງກ່າວ. ຜົນງານວິໄຈຈາກຍີ່ປຸ່ນທີ່ວິເຄາະຂໍ້ມູນການພົບປາທະເລເລິກ 336 ຄັ້ງ ແລະນຳໄປປຽບທຽບກັບເຫດການແຜ່ນດິນໄຫວ 221 ຄັ້ງ ບໍ່ພົບຄວາມສຳພັນທີ່ມີນັຍສຳຄັນ. ນັກວິໄຈລະບຸວ່າ ຄວາມເຊື່ອນີ້ເປັນພຽງ ‘ຄວາມສຳພັນລວງ’ ເທົ່ານັ້ນ.nnສຳລັບປະເທດຊິລີ ຕັ້ງຢູ່ຕາມແນວຮອຍຕໍ່ຂອງແຜ່ນເປືອກໂລກນາສກາ (Nazca Plate) ເຊິ່ງກຳລັງມຸດຕົວລົງໃຕ້ແຜ່ນເປືອກໂລກອາເມຣິກາໃຕ້.

ດ້ວຍເຫດນີ້ ຊິລີຈຶ່ງເປັນປະເທດທີ່ມີຄວາມສ່ຽງຕໍ່ແຜ່ນດິນໄຫວ ແລະພູໄຟລະເບີດຢູ່ແລ້ວຕາມສະພາບທາງທໍລະນີວິທະຍາ.

ທີ່ມາ: https://www.dailymail.com/sciencetech/article-16227881/doomsday-fish-washes-ashore-chile.html