"ນິກກີ ມິນາຈ" ປະກາດສະໜັບສະໜູນ ທຣຳ ຢູ່ເທິງເວທີຫາສຽງໃນລັດມິຊິແກນ

AD

AD

AD

“ນິກກີ ມິນາຈ” ແຣັບເປີສາວຊື່ດັງ ປະກາດສະໜັບສະໜູນ ໂດນັລ ທຣຳ ແລະ ພັກຣີພັບບລີກັນ ໃນລະຫວ່າງການຊຸມນຸມຫາສຽງທີ່ລັດມິຊິແກນ ໃນຂະນະທີ່ ທຣຳ ໂຈມຕີຜູ້ສະໝັກ ສວ. ເດໂມແຄຣັດ ພາດພິງອິດສະລາມ-ໂຍງໃສ່ກຸ່ມຫົວຮຸນແຮງຈັດ.

ວັນທີ 26 ຕຸລາ 2026 ສຳນັກຂ່າວຕ່າງປະເທດລາຍງານວ່າ ນິກກີ ມິນาຈ ແຣັບເປີສາວຊື່ດັງ ປະກາດສະໜັບສະໜູນ ໂດນັລ ທຣຳ ປະທານາທິບໍດີສະຫະລັດ ແລະ ພັກຣີພັບບລີກັນ ໃນລະຫວ່າງການຊຸມນຸມຫາສຽງທີ່ເມືອງພອດຮູຣອນ (Port Huron) ລັດມິຊิແກນ ເມື່ອວັນອາທິດທີ່ຜ່ານມາ.

ໂດຍໃນລະຫວ່າງການຫາສຽງ ທຣຳ ຍັງຄົງໂຈມຕີ ທ່ານ ອັບດຸນ ເອລ-ຊາເອດ (Abdul El-Sayed) ຜູ້ສະໝັກສະມາຊິກວຸທິສະພາຈາກພັກເດໂມແຄຣັດ ໂດຍຕັ້ງຄຳຖາມເຖິງຄວາມຈົງຮັກພັກດີຕໍ່ສະຫະລັດ ຂອງຜູ້ສະໝັກຊາວມຸດສະລິມລາຍນີ້ ແລະ ພະຍາຍາມເຊື່ອມໂຍງລາວກັບແນວຄິດຫົວຮຸນແຮງຈັດຫຼາຍຄັ້ງ. ເຊິ່ງກ່ອນໜ້ານີ້ ທຣຳ ພະຍາຍາມວິພາກວິຈານສາສະໜາຂອງ ທ່ານ ເອລ-ຊາເອດ ມາຕະຫຼອດຊ່ວງຫາສຽງ ພ້ອມທັງອ້າງວ່າຄຳເວົ້າໃນອະດີດ ແລະ ພູມຫຼັງຂອງລາວສະທ້ອນເຖິງຄວາມເຫັນອົກເຫັນໃຈກຸ່ມຫົວຮຸນແຮງຈັດ.

ໃນຂະນະທີ່ ທ່ານ ເອລ-ຊາເອດ ໄດ້ປະຕິເສດຂໍ້ກ່າວຫາ ແລະ ປະນາມການໂຈມຕີຂອງ ທຣຳ ມາໂດຍຕະຫຼອດ. ທັງນີ້ ທ່ານ ເອລ-ຊາເອດ ເຊິ່ງເຄີຍເຮັດວຽກດ້ານສາທາລະນະສຸກ ຢືນຢັນວ່າລາວມີຄວາມຮັກຊາດ ແລະ ປະຕິເສດຄວາມກ່ຽວຂ້ອງກັບກຸ່ມພຣາດອນພາບມຸດສະລິມ (Muslim Brotherhood) ເຊິ່ງເປັນຂະບວນການອິດສະລາມທີ່ມີເຄືອຂ່າຍໃນຫຼາຍປະເທດ ໂດຍລັດຖະບານສະຫະລັດກຳນົດໃຫ້ບາງສາຂາຂອງກຸ່ມນີ້ເປັນອົງກອນກໍ່ການຮ້າຍ.

ທີ່ມາ: AFP