ຕັດສິນປະຫານຊີວິດຊາຍສັນຊາດຫວຽດນາມຂໍ້ຫາ ຂົນສົ່ງຢາບ້າ 400,000 ເມັດ,ໃຊ້ເອກະສານປອມ
ໂດຍ kaling
ຟັງຂ່າວນີ້2 ນາທີ · ສຽງ AI ຜູ້ຊາຍ
0:00 / 2:00
AD
AD
AD
ວັນທີ 23 ຕຸລາ 2026 ສານປະຊາຊົນແຂວງອຸດົມໄຊ ໄດ້ຕັດສິນ ລົງໂທດປະຫານຊີວິດ ທ້າວ ວ່າງອາມິງ ຫລື ໄຖວ່າງ, ອາຍຸ 35 ປີ, ສັນຊາດຫວຽດນາມ, ຊົນເຜົ່າມົ້ງ, ອາຊີບປະຊາຊົນ, ບ້ານ ກ້າ ຮາວ, ເມືອງ ດຽນບຽນ, ສສ ຫວຽດນາມ, ປັດຈຸບັນຢູ່ ບ້ານ ປາງຫົກ, ເມືອງ ໃໝ່, ແຂວງ ຜົ້ງສາລີ ຖືກຫາວ່າ: ການຂົນສົ່ງຢາບ້າ, ມີຢາບ້າໄວ້ໃນຄອບຄອງ ແລະ ການນໍາໃຊ້ເອກະສານປອມ, ຖືກກັກຕົວ: ວັນທີ 4 ມິຖຸນາ
2025, ສານປະຊາຊົນແຂວງ ອຸດົມໄຊ ໄດ້ຕັດສິນແລ້ວ ຕາມຄໍາຕັດສິນ ເລກທີ 228/ຂຕ.ອ, ລົງວັນທີ 23 ຕຸລາ 2026. ລົງໂທດປະຫານຊີວິດ ທ້າວ ວ່າງອາມິງ ຫລື ໄຖວ່າງ (ຈໍາເລີຍ) ໃນຂໍ້ຫາ ການຂົນສົ່ງຢາບ້າ ແລະ ມີຢາບ້າໄວ້ໃນຄອບຄອງ ແລະ ລົງໂທດຕັດອິດສະລະພາບທ້າວ ວ່າງອາມິງ ຫລື ໄຖວ່າງ (ຈໍາເລີຍ) ສາມເດືອນ ແລະ ປັບໃໝ 3,000,000 ກີບ ໃນຂໍ້ຫາ ການນໍາໃຊ້ເອກະສານປອມ ລວມໂທດ ປະຫານຊີວິດ, ຮີບຢາບ້າ ຈໍານວນ 200 ມັດ ມີ 400,000 ເມັດ ນໍ້າໜັກ 40 ກິໂລກຣາມ ຂອງທ້າວ ວ່າງອາມິງ ຫຼື ໄຖວ່າງ (ຈໍາເລີຍ) ແລະ ຮີບປື້ມສຳມະໂນຄົວປອມ ສະບັບ ເລກທີ 757, ລົງວັນທີ 13 ພະຈິກ 2015 ມາທໍາລາຍຖິ້ມ; ຮີບລົດ ຍີ່ຫໍ້ ໂຕໂຍຕ້າ ລີໂວ (TOYOTA REVO) ສີຂາວ ທະບຽນ ກຳແພງນະຄອນ ຂພ 3979 ເລກຈັກ 1GD1155985, ເລກຖັງ MROBA3CD400152015 ແລະ ຮີບໂທລະສັບ ມືຖື ຍີ່ຫໍ້ ໄອໂຟນ (IPHONE) 12 ສີຂາວ ໜຶ່ງເຄື່ອງທີ່ນໍາໃຊ້ ເຂົ້າໃນການກະທໍາຜິດ ມາເປັນຂອງລັດ; ຖ້າຝ່າຍໃດບໍ່ພໍໃຈຕໍ່ຄໍາຕັດສິນສະບັບນີ້ ມີສິດຂໍອຸທອນ ຫລື ສະເໜີຄັດ ຄ້ານໄດ້ ພາຍໃນກໍານົດ 20 ວັນ ນັບແຕ່ວັນລົງຄໍາຕັດສິນເປັນຕົ້ນໄປ.
ຂ່າວ: ສະຖານີວິທະຍຸ ແລະ ໂທລະພາບແຂວງອຸດົມໄຊ
ຂ່າວນີ້ມີປະໂຫຍດບໍ່?
ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້
ແບ່ງປັນແລ້ວ 0 ຄັ້ງຖືກໃຈ 0 ຄັ້ງ
mahaxan.com/22569
‹ ກັບໄປໝວດຂ່າວພາຍໃນ
ອ່ານຕໍ່
