ນ້ຳປ່າຖະລົ່ມປ່າຕອງ ດິນຕົມ-ກ້ອນຫີນທະລັກເຂົ້າຊຸມຊົນ ຮຸນແຮງທີ່ສຸດໃນຮອບເກືອບ 50 ປີ

AD

AD

AD

ວັນທີ 26 ຕຸລາ 2026 ເວລາປະມານ 02:00 ໂມງ, ຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຫຼາກຈາກພື້ນທີ່ພູເຂົາເຂົ້າຖົ່ວມຊຸມຊົນປ່າຕອງ, ເມືອງກະທູ້, ແຂວງພູເກັດ (ປະເທດໄທ).

ກະແສນ້ຳທີ່ໄຫຼຊ່ຽວໄດ້ພັດພາດິນໂຄນ, ກ້ອນຫີນຂະໜາດໃຫຍ່ ແລະ ເສດວັດສະດຸລົງມາທັບຖົມຖະໜົນ ໂດຍສະເພາະແມ່ນຊອຍນາໃນ 8, ວົງວຽນໄຂ່ມຸກ ແລະ ຖະໜົນຜັງເມືອງສາຍ ກ.

ບ້ານເຮືອນ, ຮ້ານຄ້າ, ລົດໃຫຍ່ ແລະ ລົດຈັກຫຼາຍຄັນໄດ້ຮັບຄວາມເສຍຫາຍ, ບາງເສັ້ນທາງຖືກດິນໂຄນປິດທັບ ເຮັດໃຫ້ລົດຂະໜາດນ້ອຍບໍ່ສາມາດສັນຈອນຜ່ານໄດ້.

ຊາວບ້ານບາງຄົນເຜີຍວ່າ ບໍ່ເຄີຍພົບເຫັນນ້ຳປ່າທີ່ຮຸນແຮງແບບນີ້ມາກ່ອນ ແລະ ປຽບທຽບວ່າເປັນເຫດການທີ່ໜັກໜ່ວງທີ່ສຸດໃນຮອບເກືອບ 50 ປີ.

ໃນຊ່ວງເຊົ້າ, ເຈົ້າໜ້າທີ່ແຂວງພູເກັດໄດ້ລະດົມກຳລັງ ແລະ ເຄື່ອງຈັກເຂົ້າກວດສອບຄວາມເສຍຫາຍ ພ້ອມທັງເລັ່ງເກັບກວາດດິນໂຄນ ແລະ ຟື້ນຟູເສັ້ນທາງສັນຈອນໃຫ້ກັບຄືນສູ່ສະພາບປົກກະຕິ.

ພາບ: Phuket Hotnews