ບໍລິຄໍາໄຊ ເຊັນສັນຍາ 3 ໂຄງການລົງທຶນພັດທະນາໂຄງການໄຟຟ້າແສງຕາເວັນຂະໜາດ 5 ເມກາວັດ
ແຫລ່ງຂ່າວຈາກ ແຂວງບໍລິຄຳໄຊ ໃຫ້ຮູ້ວ່າ: ພິທີລົງນາມເຊັນສັນຍາວ່າດ້ວຍການລົງທຶນພັດທະນາໂຄງການໄຟຟ້າແສງຕາເວັນ ຂະໜາດ 5 ເມກາວັດ ລະຫວ່າງອົງການປົກຄອງແຂວງບໍລິຄໍາໄຊ ກັບບໍລິສັດປາກຊັນພັດທະນາພະລັງງານຈໍາກັດ ແລະ ບໍລິສັດລາວພະລັງງານສະອາດຈໍາກັດ ຈັດຂຶ້ນໃນວັນທີ 15 ຕຸລາ 2026 ຜ່ານມາທີ ເມືອງປາກຊັນ ແຂວງບໍລິຄໍາໄຊ ຊຶ່ງເປັນການລົງທຶນໃນຮູບແບບກໍ່ສ້າງເປັນເຈົ້າຂອງ ແລະ ດໍາເນີນງານ (BOO) ເນື້ອທີ່ດິນທີ່ນໍາໃຊ້ເຂົ້າໃນໂຄງການແມ່ນເປັນດິນຂອງບໍລິສັດເອງ ຈໍານວນ 3 ໂຄງການຄື: ໂຄງການໄຟຟ້າແສງຕາເວັນ ຂະໜາດ 5 ເມກາວັດ ລົງມາ ໃນເນື້ອທີ່ 9.982 ຕາແມັດ ຢູ່ບ້ານທວາຍ ເມືອງທ່າພະບາດ, ໂຄງການໄຟຟ້າແສງຕາເວັນຂະໜາດ 5 ເມກາວັດ ໃນເນື້ອທີ່ 64.731 ຕາແມັດ ຢູ່ບ້ານຫວ້ຍສຽດ ເມືອງປາກຊັນ ແລະ ໂຄງການໄຟຟ້າແສງຕາເວັນ ຂະໜາດ 5 ເມກາວັດ ໃນເນື້ອທີ່ 63.217 ຕາແມັດ ຢູ່ບ້ານໂພນສະອາດ ເມືອງປາກຊັນ ແຂວງບໍລິຄໍາໄຊ ລະຫວ່າງອົງການປົກຄອງແຂວງບໍລິຄໍາໄຊ.
ຕາງໜ້າລົງນາມຄັ້ງນີ້ໂດຍ ທ່ານ ແກ້ວວິລາ ທິບດາລາ ຫົວໜ້າຫ້ອງການຄະນະກໍາມະການສົ່ງເສີມ ແລະ ຄຸ້ມຄອງການລົງທຶນແຂວງບໍລິຄຳໄຊ ແລະ ທ່ານ ນາງ ພິລັດດາ ພະໄຊສິສຸນົນ ອໍານວຍການບໍລິສັດລາວພະງານສະອາດ ຈໍາກັດ, ມີທ່ານ ສົມໃຈ ຄຸນພະໄຊ ຮອງປະທານຄະນະກໍາມະການປົກຄອງແຂວງບໍລິຄໍາໄຊ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຂ່າວ: ພູວົງ, ພາບ: ວຽງສະຫວັນ
